Sunday, May 25, 2008

Trenta

Buri cu mung mag blog kapampangan, pasensya na nung ali yu man antindyan. Ngening trenta (30) na cu, aisip cu mu dacal na cu dapat ipasalamat quing biye cu. Atin cung malugud a asawa, malagu at macagigil a anac at macatucnang na cami rin queng sarili ming bale. Nanu pa waring anyawaran cu. Nyang misip ku, sabi cu, nung para cacu mu ing isipan cu, ala na siguru (nung ali sana payat na cu hahaha), pero anyang inisip que ing anac cu, uyta carin cu la ayalala na dacal cu pa dapat anyawaran uling dacal cu buring abiye kaya. Dacal kami planu ampong pangarap ning abe ku para kaya. Kaya ita namu ing winish ku anyang sinimba kaming abac abe ke ing katwangan cu (uling sabe ing aldo kapanganakan mi), ing asawa cu, anac ampo ing paunacan cu na abe mi queng bale.

Cayari ning misa, diniretsu na cami queng plengqui abe que ing paunacan cu, cabang minta la Jollibee ing anac, asawa at catwangan cu. (Eque pweding tuqui ing malati king plengqui nung ali, lumbat cami mu. Pro atin macatulang ecsena nyang minsang tiqui que plengqui...dinalan cami cretang mag-aasan, cabira iquit no reng tugac, nilapit yang bagya at sabi na "yuck! mama, yuck yuck!!!" cayarti na rugo. Pero balu cu metacutan ya din uling ena no buring lapitan caybat na nita.) Cauli mi, tambing cu nang inatchu deng ilutu. Sinadya mi la deng dederang a liempo ampo pusit na atin palaman pati na reng tilapia. Map namu atchu ya ing metung cung bayo at sinopan na cami queng pamamalaman kareng ampo pamamalot kareng iderang. Caibat mengan na cami ban canita macapaglutu na cu din. Deni reng niluto cu ampo ditac a litratu:


BAKED MACARONI
(ini ing paborito da ding bisita mi ampo syempre ning asawa cu =)


MIXED VEGETABLE


ROASTED CHICKEN



oyni ing keyk mi



o ginette ika wari mag birthday nak? hehehe



deni reng pamilya cu: i Ima cu, capatad cu pati na ring asawa ampo anac da pa



deni reng capatad na ning asawa cu ampo reng asawa't anac da, pati na ing catwangan cu



ini samut samut na


Basta masaya ing aldo a ita uling achu la ngan halus deng taung importati cacu... deng lulugud ampo luluguran ku... deng inspirasyun cu... Salamat quecongan!

No comments: